نائب وزیراعظم اسحاق ڈار نے متعلقہ حکام کو ہدایت کی ہے کہ صارفین کی سہولت کیلئے اشیائے ضروریہ کی رسد اور ان کی قیمتوں کی نگرانی کی جائے۔
انہوں نے یہ بات اسلام آباد میں کابینہ کمیٹی کے اشیائے ضروریہ کے ذخائر اور قیمتوں کے جائزہ اجلاس کی صدارت کرتے ہوئے کہی۔
نائب وزیراعظم نے کہا کہ اشیائے ضروریہ کی ذخیرہ اندوزی، مصنوعی قلت اور زائد قیمتیں وصول کرنے والوں کے خلاف سخت کارروائی کی جائے گی۔
کمیٹی نے ضروری اشیاء کے ذخائر، فراہمی کے انتظامات اور قیمتوں کا بھی جائزہ لیا۔
