Sunday, 16 March 2025, 11:57:29 am
 
وزیراعظم کا بجلی کی قیمتوں میں کمی کے ذریعے بڑا فائدہ عوام کو منتقل کرنے کا فیصلہ
March 16, 2025

وزیراعظم شہباز شریف نے پٹرولیم مصنوعات کی قیمتیں موجودہ سطح پر برقرار رکھتے ہوئے بجلی کی قیمتوں میں کمی کا بڑا فائدہ عوام کو منتقل کرنے کا فیصلہ کیا ہے۔انہوں نے ایک بیان میں کہا کہ یہ فیصلہ ان اقدامات میں شامل ہے جس کے نتیجے میں بجلی کی قیمتوں میں نمایاں کمی آئے گی۔ وزیراعظم نے کہا کہ بجلی کے نرخوں میں کمی کیلئے جامع حکمت عملی کے تحت ایک پیکج تیار کیا جا رہا ہے جس کا اعلان آئندہ چند ہفتوں میں کر دیا جائے گا۔ انہوں نے کہا کہ ریلیف پیکج سے بجلی کے نرخوں میں کمی ہوگی اور مہنگائی کی شرح میں مزید کمی آئے گی۔