وزیراعظم یوتھ پرو گرام میں گزشتہ آٹھ ماہ کے دوران نمایاں کامیابی دیکھی گئی ہے جس کے دوران نوجوان تاجروں میں خطیر رقم تقسیم کی گئی ہے۔

سرکاری اعدادوشمار کے مطابق اب تک اکتیس ہزار سات سو نوجوانوں کو ان کا کاروبار شروع کرنے کیلئے تقریباً دو سو نو ارب روپے فراہم کئے گئے ہیں۔

نوجوانوں کو پہلے لیول کے تحت پانچ لاکھ روپے کا بلا سود قرض فراہم کیا جارہا ہے جبکہ ددوسرے لیول کے تحت پانچ فیصد شرح منافع کے ساتھ پندرہ لاکھ روپے تک کا قرض دیا جا رہا ہے۔

حکومت نے قرضے کے عمل کو بھی آسان بنا دیا ہے اور نوجوان قرضے کے حصول کیلئے آن لائن درخواست دے سکتے ہیں۔

قرضہ پندرہ مختلف بینکوں کے ذریعے فراہم کیا جا رہا ہے۔