وفاقی وزیر منصوبہ بندی احسن اقبال نے گلگت بلتستان میں توانائی کے مسائل حل کیلئے نلتر ہائیڈرو پاور منصوبے کوستمبرتک فعال کرنے کی ہدایت کی ہے۔
نلتر ہائیڈروپاور منصوبے کے حوالے سے اجلاس کی صدارت کرتے ہوئے احسن اقبال نے کہا کہ وفاقی حکومت گلگت بلتستان میں توانائی کے مسائل حل کرنے کے لیے پرعزم ہے۔
انہوں نے کہا کہ نلتر ہائیڈرو پاور منصوبے کو جلد از جلد آپریشنل کیا جائے۔
وفاقی وزیر نے متعلقہ حکام کو خصوصی ہدایت دی کہ رواں سال ستمبر میں منصوبے کی تکمیل کی جائے تاکہ گلگت بلتستان کے شہریوں کو توانائی کے بحران سے نکالا جا سکے۔
