وزیر امور کشمیر اور گلگت بلتستان انجینئر امیرمقام نے کہا ہے کہ گلگت بلتستان کی ترقی وفاقی حکومت کی اولین ترجیح ہے۔
انہوں نے اتوار کے روز چلاس کے ایک روزہ دورے کے دوران گفتگو کرتے ہوئے کہاکہ گلگت بلتستان کیلئے گزشتہ سال کے مقابلے میں تیس فیصد زائد فنڈز مختص کئے گئے ہیں۔
وفاقی وزیر نے دیامر بھاشا اور داسو ڈیم منصوبے کے متاثرین کے جائز مطالبات پورا کرنے کی یقین دہانی کرائی۔ انہوں نے کہا کہ وزیراعظم شہبازشریف نے ان مسائل کا بغور جائزہ لینے کیلئے ایک خصوصی کمیٹی تشکیل دی ہے۔
