وزیرخزانہ محمد اورنگزیب نے پاکستان اور برطانیہ کے درمیان زیادہ مضبوط تعلقات کیلئے کام کرنے کی ضرورت پر زور دیا ہے ۔

وہ پرتگال کے شہرلزبن میں مشرق وسطی، پاکستان اورافغانستان کے بارے میں برطانیہ کے پارلیمانی نائب وزیر خارجہ HAMISH FALCONER سے بات چیت کررہے تھے۔

وزیرخزانہ نے اس موقع پر کہا کہ پاکستان اور برطانیہ کے درمیان باہمی اعتماد اورروابط پرمبنی قریبی اورگرم جوشی پرمبنی تعلقات ہیں۔

ملاقات میں پاکستان میں توانائی ، معدنیات اوربنیادی ڈھانچے کے شعبوں میں سرمایہ کاری کے مواقع سمیت باہمی دلچسپی کے امور پر تبادلہ خیال کیا گیا ۔

ملاقات میں دوطرفہ تعلقات مضبوط بنانے میں پاکستانی برادری کے ذریعے عوامی رابطوں کے کردار کی تعریف کی گئی ۔