وزیراعظم شہبازشریف نے آئندہ تین دنوں میں فلسطین کے لئے پاکستان کے امدادی پروگرام کے حوالے سے ایک لائحہ عمل وضع کرنے کی ہدایت کی ہے۔
وہ آج(منگل کو) اسلام آباد میں ایک اجلاس کی صدارت کر رہے تھے جس میں پاکستان سے غزہ اور فلسطین کے لئے امدادی سامان بھیجنے پر پیش رفت کا جائزہ لیا گیا۔
وزیراعظم نے کہا کہ ملک کے تعلیمی اداروں میں غزہ کے طلباء کو زیادہ سے زیادہ سہولیات فراہم کی جانی چاہئیں۔
اجلاس کو بتایا گیا کہ حکومت لبنان میں پھنسے ہوئے اکہتر پاکستانیوں کو واپس لا رہی ہے۔
