اسلامیہ یونیورسٹی بہاولپور کے طلبا اور فیکلٹی ممبران کے وفد نے خیرپور ٹامیوالی فیلڈ فائرنگ رینج میں پاک فوج کے ساتھ ایک دن گزارا۔
اس دورے میں بکتر بند گاڑیوں میں سواری کے تجربے کے ساتھ جدید فوجی ساز و سامان کا بھی تفصیلی تعارف پیش کیا گیا۔
اس موقع پر طلبا نے اس خیال کا اظہار کیا کہ نوجوانوں کو پاک فوج میں شمولیت کی ترغیب دینے اور قومی سلامتی کو درپیش چیلنجز کا موثر جواب دینے کی صلاحیت کو مضبوط بنانے کے لیے ایسی سرگرمیاں ہونی چاہئیں۔
