قومی غذائی تحفظ اور تحقیق کے وزیر رانا تنویر حسین نے صوبوں پر زور دیا ہے کہ وہ اپنے زرعی شعبوں کو ترقی دے کر خوراک میں خود کفالت حاصل کریں۔
انہوں نے مریدکے میں صحافیوں سے گفتگو کرتے ہوئے کہا کہ وفاقی حکومت کے پاس گندم کا وافر ذخیرہ موجود ہے اور ضرورت پڑنے پر خیبرپختونخوا حکومت گندم حاصل کر سکتی ہے۔
وفاقی وزیر نے کہا کہ حکومت آئندہ بجٹ میں عوام کو ریلیف دینے کے لیے تمام ممکنہ کوششیں کر رہی ہے۔
