لبنان کے ضلع نبطیہ میں اسرائیلی ڈرون حملے میں دو افراد جاں بحق ہو گئے ہیں۔
لبنان کے قومی خبر رساں ادارے کے مطابق اسرائیلی حملوں میں ملک کے متعدد دیگرعلاقوں کو بھی نشانہ بنایا۔
ایک اور واقعے میں غزہ میں اسرائیلی حملے میں ایک فلسطینی بھی شہید ہوگیا۔
دوسری جانب یورپی یونین کے ترجمان کرسچن ویگنڈ نے غزہ کے لوگوں کی جبری بیدخلی سے متعلق اسرائیلی وزراء کے بیانات کو ناقابل قبول قرار دیتے ہوئے شدید تنقید کی ہے۔
انہوں نے پریس بریفنگ میں ایک سوال کا جواب دیتے ہوئے غزہ اور مقبوضہ مغربی کنارے کے علاقوں کو ایک متحد فلسطینی حکومت کے زیر انتظام لانے کیلئے یورپی یونین کی حمایت کا اعادہ کیا۔
