افغانستان میں شہریوں کو بارودی سرنگوں کے باعث جان لیوا خطرات کا سامنا ہے۔

اقوام متحدہ کے انسانی امور کے رابطہ دفتر کی تازہ رپورٹ کے مطابق افغانستان میں ہر ماہ اوسطاً پچاس افراد بارودی سرنگوں کے دھماکوں کے نتیجے میں ہلاک یا زخمی ہوتے ہیں۔

رپورٹ کے مطابق اس سال جنوری سے مئی کے دوران 175 افراد ہلاک یا زخمی ہوئے، جن میں 75 فیصد بچے تھے۔

بارودی سرنگوں اور دھماکہ خیز مواد سے ہونے والی ہلاکتوں اور زخمیوں کے اعتبار سے افغانستان دنیا کا تیسرا سب سے زیادہ متاثرہ ملک ہے۔