پاکستان نے فلسطینی پناہ گزینوں کیلئے اقوامِ متحدہ کے امدادی ادارے کے مینڈیٹ کے تحفظ اور اسے مزید مضبوط بنانے پر زور دیا ہے۔
یہ بات اقوامِ متحدہ میں پاکستان کے نائب مستقل مندوب، سفیر عثمان جدون نے انروا کی معاونت کیلئے منعقدہ پلجنگ کانفرنس سے خطاب کرتے ہوئے کہی۔
انہوں نے انروا کیخلاف اسرائیلی قانون سازی کی شدید مذمت کرتے ہوئے اسے بین الاقوامی قانون کے منافی قرار دیا اور اس کے فوری خاتمے کا مطالبہ کیا۔
