سٹیج اور ٹیلی ویژن کے معروف اداکار لطیف کپاڈیا کی آج تئیسویں برسی منائی جا رہی ہے۔
وہ ستائیس مارچ انیس سو چونتیس کو پیدا ہوئے۔
لطیف کپاڈیانے سٹیج اداکار کی حیثیت سے اپنے فنی سفر کا آغاز کیا اور بعد میں پی ٹی وی کے ڈراموں میں بھی اداکاری کے جوہر دکھائے۔
ان کے مشہور ٹی وی ڈراموں میں قصہ سوتے جاگتے کا، ایک دن کا سلطان، بارش، ففٹی ففٹی، نادان نادیہ اور شکست آرزو شامل ہیں۔
لطیف کپاڈیا نے متعدد فلموں میں بھی کام کیا۔
حکومت پاکستان نے انہیں دوہزار ایک میں تمغہ حسن کارکردگی سے نوازا۔
وہ دوہزار دو میں آج کے روز کراچی میں انتقال کر گئے۔
