سندھ میں رواں مالی سال میں شمسی توانائی کے منصوبے پر انہتر ارب روپے سے زائد رقم خرچ کی جارہی ہے ۔
ریڈیوپاکستان کراچی کے نمائندے الطاف پیرزادو نے اطلاع دی ہے کہ منصوبے کے تحت پہلے مرحلے میں پورے صوبے کے کم آمدنی والے خاندانوں کو دو لاکھ سولر کٹس فراہم کی گئی ہیں۔
دوسرے مرحلے میں مستحق خاندانوں کو تین لاکھ سولر کٹس فراہم کی جارہی ہیں۔
منصوبے کا مقصد کم آمدن والے افراد اور مستحقین بالخصوص بجلی تک رسائی نہ رکھنے والوں کو شمسی توانائی کی سہولت فراہم کرنا ہے۔
