اقوام متحدہ میں پاکستان نے بچوں کو جنگ اور غیر ملکی قبضے کے تباہ کن اثرات سے بچانے کیلئے تنازعات کی بنیادی وجوہات کے حل پر زور دیا ہے۔

اقوامِ متحدہ کی سلامتی کونسل میں ''بچوں اور مسلح تنازعات'' سے متعلق مباحثے سے خطاب کرتے ہوئے اقوامِ متحدہ میں پاکستان کے نائب مستقل مندوب عثمان جدون نے کہا کہ غیر ملکی قبضے کے تحت زندگی گزارنے والے بچوں کی صورتحال انتہائی تشویشناک ہے۔

انہوں نے کہا کہ صرف مقبوضہ فلسطینی علاقے میں ایک سال کے دوران بچوں کے خلاف سنگین خلاف ورزیوں کے 12 ہزار سے زائد واقعات ریکارڈ کئے گئے۔

عثمان جدون نے ان بچوں کی عزت نفس کی بحالی اور مستقبل سنوارنے کیلئے مسلسل سرمایہ کاری کی ضرورت پر زور دیا۔