چین کے وزیر خارجہ وانگ یی نے اقوام متحدہ کے چارٹر میں درج تنازعات کے پُرامن حل کی اہمیت کو اُجاگر کرتے ہوئے پاکستان کی ثالثی کی کوششوں کے لیے اپنے ملک کی غیر متزلزل حمایت کا اعادہ کیا ہے۔
ان خیالات کا اظہار انہوں نے آج نائب وزیراعظم اور وزیر خارجہ اسحاق ڈار سے ٹیلی فونک گفتگو کے دوران کیا۔
چینی وزیرخارجہ نے مسلسل روابط ، فعال ثالثی اور پائیدار رابطہ کاری کے ذریعے امن واستحکام کے لیے پاکستان کی انتھک کوششوں کی تعریف کی۔
اپنے بیان میں اسحاق ڈار نے صدر شی جن پنگ کی چار نکاتی امن تجویز اور پانچ نکاتی پاکستان چین امن اقدام پر خصوصی زور دیتے ہوئے امن عمل کے لیے چین کی مستقل حمایت کی تعریف کی۔
انہوں نے وزیر خارجہ وانگ یی کو سی پی سی کی ایک سو پانچویں سالگرہ پر بھی مبارکباد دی۔
