وزیراعظم شہباز شریف نے آج سہ پہر ملائیشیا کے وزیراعظم انور ابراہیم کو ٹیلیفون کیا اور اُن کے بڑے بھائی کے انتقال پر ان سے دلی تعزیت کا اظہار کیا۔

انہوں نے مرحوم کی مغفرت کیلئے دعا کی اور دکھ کی اِس گھڑی میں وزیراعظم انور ابراہیم اور ان کے اہل خانہ کیلئے صبر جمیل کی دعا کی۔

ملائیشیا کے وزیراعظم نے اپنے بھائی کے انتقال پر اظہارِ افسوس اور تعزیت کرنے پر وزیراعظم محمد شہباز شریف کا شکریہ ادا کیا اور ان کیلئے نیک خواہشات کا اظہار کیا۔

دونوں رہنماؤں نے بالخصوص اقتصادی تعاون کے شعبے میں پاکستان اور ملائیشیا کے درمیان دوطرفہ تعلقات مزید مضبوط بنانے کے عزم کا اعادہ کیا۔