شنگھائی تعاون تنظیم کے رکن ممالک کے قومی رابطہ کاروں اور سینئر نمائندوں پر مشتمل وفد نے آج اسلام آباد میں این ڈی ایم اے ہیڈکوارٹرز میں نیشنل ایمرجنسیز آپریشن سینٹر کا دورہ کیا۔
وفد میں بیلاروس، چین، بھارت، ایران، قازقستان، کرغزستان، روس، تاجکستان اور ازبکستان کے نمائندے شامل تھے۔
آفات سے نمٹنے کے قومی ادارے کے چیئرمین لیفٹیننٹ جنرل انعام حیدر ملک نے وفد کو علاقائی روابط اور عالمی سطح پر آفات کے خطرات میں کمی کے طریقہ کار کے فروغ کے لیے این ڈی ایم اے کے مختلف اقدامات کے بارے میں بتایا۔
