نائب وزیراعظم اور وزیر خارجہ سینیٹر محمد اسحاق ڈار نے شنگھائی تعاون تنظیم کی خصوصی اور تعمیری سربراہی کے لیے پاکستان کے عزم کا اعادہ کیا ہے۔
انہوں نے یہ بات اسلام آباد میں شنگھائی تعاون تنظیم کے سیکرٹریٹ اور علاقائی انسداد دہشت گردی ڈھانچے کے سینئر نمائندوں کے ہمراہ شنگھائی تعاون تنظیم کے رکن ممالک کے قومی رابطہ کاروں سے خطاب کرتے ہوئے کہی۔
نائب وزیراعظم نے پاکستان کی سربراہی کے موضوع ’’تصور کی عملی اقدام میں تبدیلی، رابطہ کاری، جدت اور مشترکہ خوشحالی‘‘ کو اجاگر کیا۔
انہوں نے شنگھائی تعاون تنظیم کے مشترکہ وژن کو عملی تعاون اور ٹھوس نتائج میں تبدیل کرنے کی ضرورت پر زور دیا۔
