سندھ حکومت نے رمضان المبارک کے دوران اٹھہتر لاکھ مستحق خاندانوں میں آج سے پندرہ ارب ساٹھ کروڑ روپے کی تقسیم کا عمل شروع کردیا ہے۔ ریڈیو پاکستان کے کراچی کے نمائندے الطاف پیر زادو نے بتایا ہے کہ یہ رقم بینظیرانکم سپورٹ پروگرام کے ذریعے ارزاں نرخوں پرآٹے کی خریداری کے لئے تقسیم کی جارہی ہے۔ ادھر مستحق خاندان اپنا قومی شناختی کارڈ نمبر 8171 پر بھیج کر اپنی اہلیت کے بارے میں تصدیق کرسکتے ہیں۔