سعودی عرب کے ماحولیات، پانی اور زراعت کے وزیر انجینئر Abdulrahman Abdulmohsen AlFadley نے آج جنرل ہیڈ کوارٹرز راولپنڈی میں چیف آف آرمی اسٹاف اور چیف آف ڈیفنس فورسز فیلڈ مارشل سید عاصم منیر سے ملاقات کی۔
ملاقات کے دوران فریقین نے باہمی دلچسپی کے امور پر تبادلہ خیال کیا۔
چیف آف آرمی اسٹاف اور چیف آف ڈیفنس فورسز نے پاکستان اور سعودی عرب کے درمیان گہرے برادرانہ تعلقات کو اُجاگر کیا۔
انہوں نے دونوں برادر ممالک کے درمیان دیرینہ تزویراتی شراکت داری مزید مضبوط بنانے کے پاکستان کے عزم کا اعادہ بھی کیا۔
معزز مہمان نے علاقائی امن اور استحکام کے فروغ میں پاکستان کے مثبت کردار کو سراہا۔
انہوں نے دونوں برادر ممالک کے درمیان بالخصوص زراعت اور ماحولیاتی پائیداری کے شعبوں میں تعاون بڑھانے کی خواہش کا اظہار کیا۔
