صدر آصف علی زرداری کی جانب سے پاکستان آرفن کیئر فورم کے زیرِ کفالت یتیم بچوں کیلئے ایوانِ صدر میں افطار ڈنر کا اہتمام کیا گیا۔

صدر مملکت نے اس موقع پر اظہارِ خیال کرتے ہوئے کہا کہ بچے ہمارا مسقبل ہیں، بچے اپنی تعلیم پر خصوصی توجہ دیں اور کامیابی کیلئے محنت کریں۔

انہوں نے بچوں کو مخاطب کرتے ہوئے کہا کہ آپ سب مجھے اپنے بچوں کی طرح عزیز ہیں۔

صدر مملکت نے آرفن کیئر فورم کے زیرکفالت بچوں میں بطور تحفہ کمپیوٹر ٹیبلٹس بھی تقسیم کیے اور کہا کہ خاتون اول آصفہ بھٹو زرداری کے مشورے پر آپ کو کمپیوٹر ٹیبلیٹس کا تحفہ دے رہا ہوں، تمام بچے کمپیوٹر ٹیبلیٹس کو تعلیم حاصل کرنے اور سیکھنے کیلئے استعمال کریں۔

چیئرمین پاکستان آرفن کیئر فورم نے یتیم بچوں کی ایوانِ صدر میں میزبانی اور حوصلہ افزائی پر صدر مملکت کا شکریہ ادا کیا۔