فائل فوٹو
بھارت کے غیرقانونی زیر قبضہ جموں وکشمیرمیں قابض بھارتی فورسزنے ضلع گاندربل کے مختلف علاقوں میں بڑے پیمانے پرمحاصرے اور تلاشی کی کارروائیوں کے دوران 40سے زائد افراد کو گرفتارکر لیا ہے۔
کشمیر میڈیا سروس کے مطابق یہ کارروائیاں اور گرفتاریاں ضلع کے مختلف علاقوں میں ایک نجی کمپنی کے کارکنوں پر حالیہ حملے کی آڑ میں کی جا رہی ہیں جس کے نتیجے میں سات افراد ہلاک ہوئے تھے۔
مقامی افراد کا کہنا تھا کہ ان کارروائیوں میں اضافہ مقبوضہ کشمیر میں نوتشکیل شدہ انتظامیہ کی توجہ ہٹانے کی حکمت عملی کا حصہ ہے۔ان اقدامات کا مقصد دفعہ370اور دیگر سیاسی حقوق کو بحال کرنے کی کوششوں سے توجہ ہٹانا ہے ۔
کے ایم ایس کے مطابق بدنام زمانہ بھارتی تحقیقاتی ادارے این آئی اے اور کاؤنٹر انٹیلی جنس کے ہمراہ مختلف اضلاع میں کارروائیاں سرینگر، گاندربل، بانڈی پورہ، کولگام، بڈگام، اسلام آباد اور پلوامہ میں زبردستی گھروں میں گھس کر تلاشی آپریشن کے دوران ایک درجن کے قریب نوجوان گرفتار نوجوانوں کے موبائل فون، لیپ ٹاپ، بینک، کاروبار اور دیگر اہم دستاویزات قبضے میں لے لی گئیں۔
کے ایم ایس کے مطابق کشمیری مسلمان انسانیت، بھائی چارے اور مذہبی رواداری کی زندہ مثال ہیں ۔پلوامہ میں کشمیری پنڈت کی آخری رسومات مسلمانوں نے ادا کیں۔وادی کشمیر میں مسلمان ہمسایہ غیرمسلموں کے غم اور خوشی میں برابر شریک ہوتے ہیں۔
مقامی شہری کا کہنا تھا کہ کشمیر میں آج بھی وہ بھائی چارہ قائم ہے جو صدیوں پہلے ہوا کرتا تھا۔