نائب وزیراعظم اسحاق ڈار نے اس بات پر زور دیا ہے کہ تجارتی اور سرمایہ کاری تعلقات کو مضبوط بنانا پاکستان کی خارجہ پالیسی کا ایک اہم ستون ہے۔

وہ اسلام آباد میں بین الوزارتی اجلاس کی صدارت کر رہے تھے جس میں پاکستان کے اہم شراکت دار ممالک کے ساتھ دوطرفہ اقتصادی تعاون میں پیشرفت کا جائزہ لیا گیا۔

اسحاق ڈار نے جاری سرمایہ کاری تجاویز اور منصوبوں پر عملدرآمد میں تیزی لانے کی ضرورت پر زور دیا اورکاروباری روابط کے لائحہ عمل کے ذریعے ترجیحی شعبوں میں غیر ملکی سرمایہ کاری کے مواقع تلاش کرنے کی ہدایت کی۔