حکومت نے ملک میں صنعتی ترقی کو یقینی بنانے کے لئے خصوصی اقتصادی زونز اورانڈسٹریل سٹیٹس کے لئے بجلی کی فراہمی اوریکساں نرخ کے نئے نظام کی منظوری دی ہے ۔

یہ منظوری توانائی کے بارے میں کابینہ کمیٹی کے اجلاس میں دی گئی جس کی صدارت اسلام آباد میں وزیراعظم شہبازشریف نے کی۔

اجلاس میں انڈسٹریل اسٹیٹس اور خصوصی صنعتی زونز اور ان کی انتظامیہ کو سیلف کنکشن، بل وصولی اور دیگر امور کے لئے سنگل پوائنٹ پاور سپلائی کی اجازت دی گئی۔

نئے نظام کے تحت خصوصی اقتصادی زونزاور انڈسٹریل اسٹیٹس میں بجلی کی تقسیم کار کمپنیوں کے اہلکاروں کی مداخلت ختم ہو گئی ہے۔ اس سلسلے میں مخصوص آپریشنز اور انتظامی طریقہ کارتیار کیاجارہاہے جس پر پاور

ڈویژن اور نیپرا اگلے تین ماہ میں عملدرآمد شروع کردیںگے۔

اب زون ڈویلپرز کو زونز میں صنعتوں کو بجلی کی فراہمی کے لئے کسی اضافی لائسنس کی ضرورت نہیں ہوگی۔