فائل فوٹو

اسلامی تعاون تنظیم کی خواتین سے متعلق نویں وزارتی کانفرنس میں اسلام آباد وزارتی اعلامیے کی منظوری دی گئی ہے جس میں خواتین کے حقوق، تقدس اور انہیں بااختیار بنانے کے عمل کو آگے بڑھانے کے لیے او آئی سی کے مشترکہ عزم کا اعادہ کیا گیا۔

اسلام آباد میں وزارتِ انسانی حقوق کی میزبانی میں منعقدہ اس کانفرنس میں او آئی سی کے رکن ممالک کے وزراء اور اعلیٰ نمائندوں نے شرکت کی جس کا مقصد خواتین کو سماجی، اقتصادی اور سیاسی طور پر بااختیار بنانے کے عمل کو آگے بڑھانے پر غور کرنا تھا۔

اس کانفرنس کا ایک اہم سنگِ میل خواتین سے متعلق او آئی سی وزارتی کانفرنس کی صدارت کا مصر سے پاکستان منتقل کرنا تھا۔