پاکستان ٹیلی کمیونیکیشن اتھارٹی نے صارفین کو ٹیلی کام سے متعلق شکایات درج کرانے اور ان کے ازالے کے لیے زیادہ محفوظ اور صارف دوست پلیٹ فارم فراہم کرنے کی غرض سے اپ گریڈ شدہ ایپ کا اجرا کیا ہے۔
اپ گریڈ شدہ ایپ میں ون ٹائم پاس ورڈ پر مبنی کثیر پہلو تصدیق اور موبائل نمبروں سے متعلق دھوکہ دہی کی مشتبہ سرگرمیوں کی اطلاع دینے کے لیے نیا ماڈیول شامل کیا گیا ہے۔
یہ اقدام ٹیلی کام صارفین کے لیے شکایات کے ازالے کے نظام کو جدید بنانے اور خدمات بہتر بنانے کے لیے پی ٹی اے کے عزم کا عکاس ہے۔
