اقوام متحدہ کے سیکرٹری جنرل انتونیو گوتریز نے بھی امریکہ کی ثالثی میں پاکستان اور بھارت کے درمیان جنگ بندی کا خیرمقدم کیا ہے۔
سیکرٹری جنرل کے نائب ترجمان فرحان عزیز حق نے ایک بیان میں کہا کہ اقوام متحدہ کے سیکرٹری جنرل دونوں ہمسایہ ملکوں کے درمیان دیرینہ تنازعات کے حل کیلئے پرامید ہیں۔
انہوں نے کہا کہ اقوام متحدہ خطے میں امن و استحکام کے فروغ کی کوششوں میں معاون کردار ادا کرنے کیلئے تیار ہے۔
