نگراں وزیراعلیٰ پنجاب محسن نقوی نے صوبے میں جھینگوں کی پرورش کے منصوبے کے آزمائشی منصوبے کی اصولی منظوری دیدی ہے۔پہلے مرحلے میں ایک منتخب ضلع کے غیرکاشتکاری والے علاقے میں ایک لاکھ ایکڑ رقبے پر فارم متعارف کرائے جائیں گے۔آزمائشی پروگرام میں بنجر زمینوں پر دس ایکڑ رقبے پر 10جھینگا فارم قائم کئے جائیں گے۔پنجاب میں ڈیڑھ لاکھ ایکڑ سے زائد رقبہ اس مقصد کیلئے استعمال کیا جائے گا جس سے اربوں ڈالر کا زرمبادلہ حاصل ہو گا۔مقامی سرمایہ کاروں کو جھینگا پروری کے لئے ایک مختص مدت کیلئے مفت زمین فراہم کی جایگی۔