یوم حق خودارادیت کے موقع پر پاک فوج اور کشمیر انسٹی ٹیوٹ آف مینجمنٹ کے تعاون سے مظفر آباد میں ایک سیمینار کا انعقاد کیا گیا۔
سیمینار کے شرکاء نے کہا کہ پاکستان نے ہر فورم پر کشمیریوں کے حق خودارادیت کے بارے میں منظور کردہ قراردادوں کی حمایت کی ہے جبکہ بھارت اِن سے مسلسل انکار کر رہا ہے۔انہوں نے یاد دلایا کہ بھارت نے اپنی فوج کے ذریعے جموں و کشمیر پر غیر قانونی قبضہ اور کشمیریوں کو ان کے بنیادی اور انسانی حقوق سے محروم کر رکھا ہے۔شرکاء نے پاکستان کی طرف سے کشمیریوں کی سیاسی، سفارتی، معاشی اور اخلاقی حمایت جاری رکھنے کا خیر مقدم کیا۔
