File Photo

خزانے کے وزیر مملکت بلال اظہر کیانی نے کہا ہے کہ نجی شعبہ ٹیکس وصولی، روزگار کے مواقع پیدا کرنے اور معاشی ترقی میں اہم کردار ادا کرتا ہے۔

انہوں نے آج لاہور کے ایوان صنعت و تجارت سے خطاب کرتے ہوئے کہا کہ وزیراعظم نے کاروباری برادری کے ساتھ قریبی روابط برقرار رکھے ہیں اور اس کی سفارشات کو وفاقی بجٹ میں شامل کیا گیا ہے۔

بلال اظہر کیانی نے کہا کہ برآمد کنندگان پر سپر ٹیکس اور ایکسپورٹ ڈویلپمنٹ سرچارج ختم کر دیے گئے ہیں، جبکہ ایکسپورٹ ڈویلپمنٹ فنڈ کی چیئرمین شپ نجی شعبے کے سپرد کر دی گئی ہے۔