وزیر داخلہ محسن نقوی نے نیشنل پولیس اکیڈمی کو بہتر بنانے کا اعلان کیا ہے۔
انہوں نے اسلام آباد میں اکیڈمی کے دورے کے موقع پر ایک اجلاس کی صدارت کرتے ہوئے ادارے کو بین الاقوامی معیار کے مطابق ڈھالنے کیلئے اس کا جامع منصوبہ بنانے کی ہدایت کی۔
انہوں نے کہا کہ نیشنل پولیس اکیڈمی کی تنظیم نو تین ماہ میں مکمل کی جائے۔
انہوں نے کہا کہ نیشنل پولیس اکیڈمی کو یونیورسٹی کا درجہ دینے کیلئے فوری اقدامات کئے جائیں۔
محسن نقوی نے کہا کہ اکیڈمی میں انسدادِ دہشت گردی و فسادات اور سائبر سکیورٹی کے حوالے سے کورسز بھی شروع کئے جائیں گے۔
