پنجاب کی وزیراعلیٰ مریم نواز نے کہا ہے کہ پاکستان موسمیاتی تبدیلی اور ماحولیاتی آلودگی کے چیلنجز سے نمٹنے کیلئے ماحول دوست توانائی اور جدید ٹیکنالوجی سے متعلق امریکی تجربات سے استفادہ کرنا چاہتا ہے۔

انہوں نے  جمعہ کے روز لاہور میں بین الاقوامی ترقی کیلئے امریکی ادارے کی مشن ڈائریکٹر VEERAYA KATE SOMVONGSIRI سے ملاقات کے دوران کہا کہ دونوں ملکوں کے درمیان دوطرفہ تعلقات کو فروغ دینے کی کوششیں جاری ہیں۔

فریقین نے ملاقات کے دوران تجارت، موسمیاتی تبدیلی، قابل تجدید توانائی، خواتین کو اقتصادی لحاظ سے بااختیار بنانے، صحت اور تعلیم کے شعبوں میں تعاون کو فروغ دینے پر اتفاق کیا۔