روس کے صدر ولادی میر پیوٹن نے چینی صدر شی جن پنگ کے آج ماسکو کے دورے سے قبل یوکرین کے تنازعے کے حل میں تعمیری کردار ادا کرنے کیلئے چین کی رضا مندی کا خیر مقدم کیا ہے۔چینی اخبار میں شائع ہونے والے ایک اداریئے میں صدر پیوٹن نے کہا کہ روس کو اِس دورے سے بہت امیدیں وابستہ ہیں اور یوکرین پر چین کے متوازن سلوک کیلئے شکر گزار ہیں۔اسی طرح چینی صدر نے روسی اخبار میں لکھے گئے اداریے میں یوکرین کے تنازعے کا مشترکہ اور پائیدار سلامتی، مسلسل مذاکرات اور یکساں پائیدار اور باعمل مشاورت کے ذریعے مناسب حل نکالنے کی ضرورت پر زور دیا ہے۔