بھارت میں خالصتان تحریک کو دبانے کیلئے سکیورٹی فورسز نے تحریک آزادی خالصتان کے ممتاز سکھ رہنما امرت پال سنگھ کی گرفتاری کے لئے بڑے پیمانے پر کارروائی شروع کی ہے پورے پنجاب میں موبائل انٹرنیٹ سروس بند کردی گئی ہے اور ان کے اٹھہتر حامیوں کوگرفتار کرلیاگیا ہے۔
پولیس کے مطابق امرت پال سنگھ اور ان کے حامیوں نے کرپانوں چاقوئوں اور بندوقوں سے مسلح ہوکر ایک پولیس پر حملہ کیا جب ایک ماہ قبل ان کے ساتھی کو حملے اور اغواء کی کوشش کے الزام میں گرفتار کیاگیا۔
ادھر امرتسر میں سکھوں کے مقدس گردوارے گولڈن ٹیمپل پر پولیس چھاپے کے دوران مشتعل سکھوں کے ساتھ جھڑپ میں متعدد پولیس اہلکار زخمی ہوگئے ہیں۔