دہلی سے جاری ہونے والے بھارتی اخبار انڈین ایکسپریس نے افسوس کا اظہار کیا ہے کہ بھارت میں ذات پات کے نظام کی وجہ سے غلامی ایک باقاعدہ اور پختہ رواج کی حیثیت اختیار کرچکی ہے۔اخبار نے اپنے ادارتی صفحے میں تحریر کیا ہے کہ اتر پردیش میں ہونے والے عصمت دری کے ایک واقعے میں اونچی ذات سے تعلق رکھنے والی ایک عورت نے متاثرین کا ساتھ دینے کی بجائے زیادتی کرنے والوں کی حمایت کی اور پولیس نے بھی ان کو ڈھال فراہم کی ہے جو کہ ریاستی اداروں میں اونچی ذات کے اثر ورسوخ کو ظاہر کرتا ہے۔اخبار نے لکھا ہے کہ یہ آئین کی تمام اقدار کے منافی ہے اور اس بات کا تقاضا کرتا ہے کہ ریاست صرف اس صورت میں عمل داری کا ثبوت دے کہ وہ نچلی ذاتوں کو تحفظ فراہم کرے اور ان کے خلاف جرائم کو روکے۔