وزیراعظم یوتھ پروگرام اوراقوام متحدہ کے بچوں کے ہنگامی فنڈ کے ادارے نے نوجوانوں کو تعلیم تربیت کے مساوی مواقع فراہم کرنے کیلئے اظہار دلچسپی کی ایک دستاویز پر دستخط کئے ہیں۔دستخطوں کی تقریب اسلام آباد میں منعقد ہوئی وزیر اعظم شہباز شریف بھی اس موقع پر موجود تھے۔اس حوالے سے یونائیڈ نیشنز جنریشن ان لمیٹیڈ پروگرام اور وزیراعظم یوتھ پروگرام مشترکہ طور پر لائحہ عمل تیار کریں گے۔جنریشن ان لمٹیڈ پروگرام ابتدائی طور پر دو کروڑ یورو سے پاکستان میں نوجوانوں کیلئے مختلف منصوبے شروع کر رہا ہے۔ا س سے پہلے یونیسف کے وفد نے پاکستان میں اپنے نمائندے عبداللہ اے فاضل کی قیادت میں وزیراعظم سے ملاقات کی۔وفد نے وزیراعظم کو پاکستان میں نوجوانوں کی استعدادکار اور صلاحیتوں میں اضافے کیلئے یونیسف اور وزیراعظم یوتھ پروگرام کے درمیان جاری تعاون کے بارے میں آگاہ کیا۔وزیراعظم نے پاکستان سمیت دنیا بھر میں بچوں کی فلاح و بہبود کیلئے یونیسف کی جانب سے کئے گئے اقدامات کو سراہا۔