وزیراعظم یوتھ پروگرام کے چیئرمین رانا مشہود احمد خان نے فلسطینی عوام کیلئے پاکستان کی غیر متزلزل حمایت کا اعادہ کیا ہے۔

وہ فلسطینیوں کے ساتھ اظہاریکجہتی کیلئے لاہور میں پاکستان مسلم لیگ نون کے زیراہتمام ایک ریلی سے خطاب کر رہے تھے۔

انہوں نے کہا کہ اسرائیلی مظالم کے خلاف ملک گیر احتجاجی مظاہروں کا سلسلہ جاری ہے۔

رانا مشہود احمد خان نے کہا کہ وزیراعظم شہبازشریف نے تمام بین الاقوامی فورمز پر غزہ کے مظلوم مسلمانوں کیلئے زبردست آواز اٹھائی ہے۔