سینیٹ کے چیئرمین سید یوسف رضاگیلانی نے امن کے قیام' کثیرالجہتی تعاون اور جامع ترقی کے بارے میں پاکستان کے عزم کا اعادہ کیا ہے۔

وہ سیؤل میں جمہوریہ کوریا کی قومی اسمبلی میں بین الپارلیمانی سپیکرز کانفرنس سے خطاب کررہے تھے۔

سید یوسف رضا گیلانی نے ایٹمی پھیلاؤ' غربت' ماحولیاتی تبدیلی اور علاقائی تنازعات جیسے درپیش عالمی مسائل سے نمٹنے کیلئے مشترکہ ہنگامی اقدامات کی ضرورت پر زور دیا۔

انہوں نے کہا کہ باہمی مفاہمت' بین الاقوامی اتفاق اور مربوط پارلیمانی کوششوں سے ہم زیادہ منصفانہ' جامع اور خوشحال دنیا کیلئے کام کرسکتے ہیں۔