پاکستان کے خلاف بھارتی میڈیا کا گمراہ کن پروپیگنڈا بھی بے نقاب ہو گیا ہے۔
بین الاقوامی نشریاتی ادارے ڈوئچے ویلے نے فیکٹ چیک کے ساتھ بھارتی اکاؤنٹس سے شیئر ہونے والی ویڈیوز کو جھوٹا ثابت کردیا۔
ڈی ڈبلیو کے مطابق کچھ دن پہلے بھارتی سوشل میڈیا اکاؤنٹ سے پاکستان کے شہر سیالکوٹ پر حملے کی ویڈیو شیئر کی گئی تھی۔ یہ ویڈیو دراصل ایک ماہ پرانی تھی اور ممبئی میں گیس سلنڈر دھماکے کی تھی۔
ڈی ڈبلیو نے یہ بھی انکشاف کیا کہ بھارتی اکاؤنٹ سے ڈی جی آئی ایس پی آر کی اے آئی سے بنائی گئی فیک ویڈیو بھی شیئرکی گئی۔ ویڈیو میں ڈی جی آئی ایس پی آر کے اصل ادا کئے گئے الفاظ کو اے آئی کی مدد سے تبدیل کیا گیا تھا۔
ڈی ڈبلیو نے مزید رپورٹ کیا کہ بھارتی اکاؤنٹس سے امریکی صدر ڈونلڈ ٹرمپ کی بھارتی جارحیت کی حمایت میں ویڈیوبھی شیئر کی گئی ۔ فیکٹ چیک سے واضح ہے کہ یہ ویڈیواے آئی سے بنائی گئی تھی اور امریکی صدرنے ایساکوئی بیان نہیں دیا۔
دفاعی تجزیہ کاروں نے کہا کہ بھارتی میڈیا نے ہمیشہ گمراہ کن پروپیگنڈا اور جھوٹ پھیلا کر حقائق پر پردہ ڈالنے کی کوشش کی ہے۔
