پاکستان کی مسلح افواج کی بھارت کے خلاف فتح پر نہ صرف اندرون ملک بلکہ بین الاقوامی سطح پر بھی جشن منایا جا رہا ہے۔
لاہور میں وکلاء برادری نے دشمن کے خلاف پاکستان کی شاندار فتح کا جشن منایا۔
وہ لاہور ہائیکورٹ سمیت اپنی متعلقہ عدالتوں کے احاطے میں بڑی تعداد میں جمع ہوئے اور مٹھائیاں تقسیم کیں۔
وکلاء نعرے لگا رہے تھے اور دشمن کی جارحیت کا منہ توڑ جواب دینے پر مسلح افواج کی بہادری کو شاندار طریقے سے خراج تحسین پیش کر رہے تھے۔
مستونگ میں مسلح افواج سے اظہار یکجہتی کیلئے ریلی نکالی گئی۔
ریلی کے شرکاء کی جانب سے کالعدم تنظیم بی ایل اے کے جھنڈے جلائے گئے۔
اس موقع پر اسرائیل اور بھارت کے خلاف نعرے بھی لگائے گئے۔
پوری دنیا میں بھی بھارت کے خلاف پاکستان کی فتح کا جشن منایا جا رہا ہے۔
آذربائیجان میں بھی لوگوں نے افواج پاکستان سے اظہار یکجہتی کی اورجشن منایا۔
لندن میں بھی لوگ پاکستانی پرچم اٹھائے سڑکوں پر نکل آئے اور پاکستان زندہ باد کے نعرے لگائے۔
