صدرڈاکٹر عارف علوی نے کہاہے کہ قائداعظم محمد علی جناح کے اصولوں اور فرمودات پر عمل پیرا ہوکر ہی ہم ایک کامیاب قوم بننے کیلئے مقرر کردہ اہداف حاصل کرسکتے ہیں۔

 وہ قائداعظم کی برسی کے موقع پر آج صبح کراچی میں مزار قائد پر حاضری دینے کے بعد صحافیوں سے گفتگو کررہے تھے۔

 صدر نے کہا کہ جس طرح سے ہماری قوم نے کورونا وائرس کو شکست دی ہے یہ ہمارے عزم کا منہ بولتا ثبوت ہے کیونکہ انتہائی ترقی یافتہ ملک ابھی تک اس وبا سے نمٹنے کیلئے جدوجہد کررہے ہیں۔

 اس سے پہلے صدر نے مزار پر پھول چڑھائے اور فاتحہ خوانی کی ،انہوں نے مہمانوں کی کتاب میں اپنے تاثرات بھی درج کئے۔