مرطوب زمین کاعالمی دن منایاگیا جس کامقصد انسانیت اور کرہ ارض کے لئے مرطوب زمین کی اہمیت سے متعلق آگاہی پیداکرناہے۔
موسمیاتی تبدیلی کے بارے میں وزیراعظم کے مشیرملک امین اسلم نے اس موقع پر اپنے پیغام میں کہاکہ پاکستان نے مرطوب زمین سے متعلق عالمی معاہدے پردستخط کررکھے ہیں جسے رامسرکنونشن بھی کہاجاتاہے۔
انہوں نے کہاکہ پاکستان نے اس کنونشن کے تحت اب تک انیس مرطوب زمینیں مخصوص کی ہیں جنہیں عالمی اہمیت کے رامسرمقامات کادرجہ دیاگیاہے۔
انہوں نے کہاکہ ریچارج پاکستان منصوبہ عملدرآمدکے لئے زیرغورہے۔انہوں نے کہاکہ شجرکاری اورجنگلات کے فروغ سمیت مرطوب زمینوں کے قریب دوسرے مناسب علاقوں کیلئے بھی منصوبہ بندی کی گئی ہے۔
موسمیاتی تبدیلی کے مشیرنے کہاکہ پاکستان ان اقدامات کے ذریعے عالمی برادری اور رامسرکنونشن کے بارے میں اپنے عزم کااعادہ کرتاہے۔