پہلگام فالس فلیگ کے بعد ایک اور بھارتی ایم ایل اے نے بی جے پی کے عزائم کو بے نقاب کر دیا۔
راشٹریہ جنتا دل سے تعلق رکھنے والے بہار کے ایم ایل اے چندر شیکھر یادو نے پہلگام حملے پر سوال اٹھا دئیے۔
انہوں نے کہا کہ پہلگام حملے میں ایک مسلمان نے زخمی کو کندھے پراٹھاکر بیس کلومیٹر تک لے جا کر جان بچائی،اس واقعے میں ایک مسلمان بھی مارا گیا۔
انہوں نے کہاکہ پہلگام حملہ مسلمانوں کیخلاف بی جے پی کے منافقوں کا کھیل ہے، حملہ آوروں کے پاس اتنا وقت نہیں ہوتا ہے کہ وہ مذہب اور ذات کا پوچھیں، اگر ایسا تھا تو مسلمان کیسے مارا گیا۔
انہوں نے کہاکہ نفرت پھیلانے والی بی جے پی لوگوں کو بھٹکا کر گمراہ کرنے کی سازش کر رہی ہے، چونکہ بہار میں ابھی الیکشن ہیں، اس لیے بی جے پی بہار میں نفرت انگیز ماحول بنا رہی ہے۔
سیاسی تجزیہ کاروں کے مطابق چندر شیکھر کی باتیں ثبوت ہیں کہ مودی بھارت میں مسلمانوں کو ہدف بنا رہا ہے۔
