امریکہ میں پاکستان کے سفیر رضوان سعید نے کہا ہے کہ پاکستان پہلگام واقعہ کی غیرجانبدارانہ شفاف اور قابل اعتماد تحقیقات کے لئے تیار ہے۔
فاکس نیوز کو دیئے گئے ایک خصوصی انٹرویو میں انہوں نے کہا کہ پاکستان اس سلسلے میں ابھی تک بھارتی جواب کا منتظر ہے لیکن بدقسمتی سے اس کی طرف سے تاحال کوئی مثبت جواب نہیں آیا۔
انہوں نے کہا کہ پاکستان امن پر یقین رکھتا ہے اور کسی قسم کی کشیدگی نہیں چاہتا۔ انہوں نے امریکہ پر زور دیا کہ وہ دونوں ملکوں کے درمیان تناؤ کو کم کرنے کیلئے اپنا تعمیری کردار ادا کرے اور جموں وکشمیر کے دیرینہ تنازعہ کا وسیع معنوں میں جائزہ لے جو پاکستان اور بھارت کے درمیان ایک بنیادی تصفیہ طلب مسئلہ رہا ہے۔
