گورنر پنجاب سردار سلیم حیدر خان نے کہا ہے کہ پاکستان خطے میں امن اور استحکام کے فروغ کے لیے مثبت کردار ادا کر رہا ہے۔

انہوں نے یہ بات لاہور میں امریکی کانگریس کے وفد سے ملاقات کے دوران کہی۔ وفد میں ریپبلکن پارٹی کے ارکان ریان زنکے اور مائیکل بومگارٹنر شامل تھے۔

گورنر پنجاب نے کہا کہ حکومت ایران اور امریکہ کے درمیان تنازع کے حل کے لیے معاونت کی کوششیں کر رہی ہے۔

امریکی وفد نے خطے میں امن کے لیے پاکستان کی کوششوں کو سراہا۔