وزیرِ اعلی پنجاب مریم نواز کے وژن کے تحت صوبے میں اراضی کا ریکارڈ کمپیوٹرائز کرنے کا عمل مزید تیز کر دیا گیا ہے۔

بورڈ آف ریونیو کے سینئر رکن نبیل جاوید نے بتایا کہ بیالیس دیہات کی اراضی کا ریکارڈ کمپیوٹرائز کرنے کے احکامات جاری کردیے گئے ہیں جن میں ملتان صدر کے سات، صادق آباد کے پانچ اور کبیر والا، دنیا پور، چنیوٹ اور فیصل آباد صدر کے دو، دو دیہات شامل ہیں۔

نبیل جاوید نے کہا کہ دیہات کی اراضی کا ریکارڈ کمپیوٹرائزکرنے سے فرد، انتقال اور رجسٹری سمیت زمین سے متعلق تمام خدمات جدید، شفاف اور تیز رفتار انداز میں فراہم کی جائیں گی۔

انہوں نے کہا کہ صوبے کے مزید دیہات کی اراضی کا ریکارڈ بھی کمپیوٹرائز کرنے کا عمل مرحلہ وار مکمل کیا جارہا ہے۔