پنجاب کی وزیراعلیٰ مریم نواز شریف نے کہا ہے کہ صوبائی حکومت کی مون سون سے نمٹنے کی جامع حکمتِ عملی کے نتیجے میں صوبے بھر میں بارشوں کے پانی کی نکاسی میں بہتری آئی ہے۔

ایک بیان میں انہوں نے کہا کہ پانی جمع ہونے والے مقامات کی نشاندہی کے لیے پنجاب سیف سٹیز اتھارٹی کے مصنوعی ذہانت پر مبنی نگرانی کے نظام سے منسلک 300 جدید کیمرے استعمال کیے جا رہے ہیں، جبکہ چوبیس گھنٹے فعال ڈیجیٹل نگرانی کے نظام کے ذریعے انڈر پاسز اور دیگر حساس مقامات پر مسلسل نظر رکھی جارہی ہے

پنجاب کے صوبائی ہنگامی ادارے کے مطابق صوبے بھر میں مون سون بارشوں کا تیسرا سلسلہ کل تک جاری رہنے کا امکان ہے۔

دوسری جانب پنجاب فلڈ وارننگ سینٹر نے بتایا ہے کہ وزیرآباد کے مقام پر نالہ پلکھو میں اونچے درجے کا سیلاب ہے اور پانی کی سطح میں مسلسل اضافہ ہو رہا ہے۔