نائب وزیراعظم اسحاق ڈار نے آج اسلام آباد میں لیاقت بلوچ کی قیادت میں جماعتِ اسلامی کے وفد کے ساتھ گزشتہ نشستوں کے تسلسل میں ملاقات کی۔
اجلاس میں پیٹرولیم مصنوعات کی قیمتوں پر مشاورت کی گئی اور ایندھن پر دی جانے والی موجودہ سبسڈی اسکیم کے دائرہ کار کو وسیع کرنے کے امکانات پر تبادلہ خیال کیا گیا۔
وفد کے تعمیری رویے کو سراہتے ہوئے اسحاق ڈار نے اس عزم کا اعادہ کیا کہ عام شہریوں پر مالی بوجھ کم کرنا اور عوامی فلاح و بہبود حکومت کی اولین ترجیحات میں شامل ہے۔
انہوں نے کہا کہ پیٹرولیم پالیسی میں حکومت کی اصلاحات اور عالمی سطح پر نرخوں کی تبدیلی کے باعث ایندھن کی قیمتوں میں نمایاں کمی آئی ہے، جس کے تحت رواں سال اپریل سے اب تک پیٹرول 133 روپے اور ڈیزل 162 روپے فی لیٹر سستا ہو چکا ہے۔