فارن سروس اکیڈمی اسلام آباد کے زیرتربیت افسروں کے وفد نے گلگت بلتستان کے وزیراعلیٰ حاجی گلبر خان سے گلگت میں ملاقات کی۔

وزیر اعلیٰ نے گلگت بلتستان کے وفد سے گفتگو کرتے ہوئے اس امیدکا اظہار کیا کہ فارن سروس کے نئے افسران بین الاقوامی سطح پر ملک کی بہترانداز میں نمائندگی کریںگے۔

انہوں نے کہا کہ گلگت بلتستان میں سیاحت، توانائی، معدنیات اور دیگر شعبوں میں سرمایہ کاری کے وسیع مواقع ہیں۔

وزیراعلیٰ نے کہا کہ گلگت بلتستان میں بہت جلد اراضی اصلاحات کے حوالے سے قانون سازی کر کے عوام کا دیرینہ مطالبہ پورا کیا جائے گا۔